oscarcck on Xanga

Weblog

Saturday, 18 July 2009

真係笑爆咀~~~
盧海鶻 - Gatsby
www.youtube.com/watch?v=D6P5Lr_fF7A
古天樂 - 撚太撚
http://www.youtube.com/watch?v=Xx_XBHSigv4
森美移動扮得好正~~
http://www.youtube.com/watch?v=aiJHfmbnojQ

Wednesday, 15 July 2009

懷念季羡林 - 季羡林談人生

前幾天聽到國學大師季羡林先生在北京逝世，心裏不禁歎息一番。
首先在此說明，本人並非對國學有甚麼研究，對中國歷史文化的理解只及中學程度，對季老的學術成就範疇如梵文，吐火羅文更是一曉不通。一直以來只曾在大學聽過他是和饒宗頤先生齊名的國學大師。
第一次真真正正了解季老的生平，是從拜讀他的專欄結集 <季羡林談人生> 開始。
還記得去年的這個時候，剛畢業一年的我因為某些原因而情緒低落了一段長時間。百無聊賴，番工等放工，放工就去玩的生活，令我覺得生活就像枯燥乏味，了無意義的活著等死。那個下午，偶然經過一間書店，想找旅遊書計劃去旅行期間，不經意地發現這一本書。看著這個書名，心裏忽發其想，一個對國學有偉大貢獻，受萬千學者敬重，而又活了八十多個年頭的老人家，如何詮釋人生這個課題? 總該比我這個入世未深的小子多一點獨到的見解吧~~於是便從書架拿下，隨手番開第一章，第二章.....
有興趣瞭解內容的話，請自己買番本~不過，那一句對人生的意義的總結，為那時的我帶給了對生活的一點積極:
---如果人生真有意義的話，其意義與價值就在於對人類發展的承上啟下，承前啟後的責任感---
字裏行間，可以想像到季老是一個思想開明，不落俗套且風趣幽默的老伯伯。說的大道理簡單易明卻又一矢中的....一個人若不是看盡人心百態，歷經萬變世事，是不可能將一個個人生的複雜的哲學問題用如此淺白而又理所當然的方法表述。
再看一看他一生的經歷，面對文革的批判和牢獄之災，這個硬漢用絕不妥協的態度一一捱過，更利用在獄中的時間為中國文化默默貢獻。不過，他並不為此感到自豪，甚至概歎在中國做學問的艱苦。一個受人敬仰的大學問家，說穿了只是一個悲哀的讀書人.....
很感謝他這本書，讓我明白很多人生的問題的本質，很多問題，其實根本不是問題。

Monday, 06 July 2009

Once 一奏傾情

Once
Director: John Carney
Cast: Glen Hansard, Marketa Irglova
感覺，有點像Before Sunset.
兩個背景折然不同既人，因為音樂而遇上。
本質上的一對perfect match，透過音樂互相了解對方，
更做出令人讚嘆既音樂。
但現實中背景既差別，令一段感情無可能發展。
有過最快樂既時光，然後乾脆的道別。
但永遠為對方係自己心裏面保留一個特別既位置，無可取代。
細膩的感情，淡淡的味道，卻足以繾綣半生。
一段感情定格於最完美無暇既一刻，偶然係腦海裏浮現，
回味無窮既中帶一點苦澀既味道，不勝唏噓。
或者每個人都會經歷過一段類似既感情。
未經歷過，總覺得人生欠缺點甚麼~
假如有人問你:
How often do you find the right person?
.
.
.
Once
Recommended song: Falling Slowly
(Best Achievement in Music Written for Motion Pictures, Original Song, The Academy Awards, USA 2008)
Lies, Fallen from the Sky

Thursday, 26 March 2009

這一年，生命好像停頓了........錯過了放棄了做錯了很多很多事.........終於有一天，自己想通了，雖然有點浪費了人生其中最美好的年華，但這一年亦令我得到了學懂了很多東西。
現在的我，很想很想快點重新出發~!! 這一年發現很多性格上的壞習慣，為了要好好踏實生活，這些壞習慣一定要改掉~~!!
很快便要出發實踐夢想，但感覺自己還未準備充足，實在很擔心自己再輸一次，唉..........要努力呀~~!!!! 加油加油~~!!!
My Brother's Wedding (2009-03-07)
第一次做伴郎+Wedding Coordinator+MC~~~就咁俾左我大佬.......
之前聽朋友講，幫手搞婚禮，尤其係最好既朋友或屋企人，個感覺係好震撼....原來係真係好深刻~
一朝早起身，換好哂衫，第一次(亦可能係唯一一次)見大佬著到咁型仔，不過佢個頭真係難搞~哈哈。
拎好哂野，同大佬出門口，出發去搶新娘。同成班兄弟係樓下集合誓師，真係好鬼好笑~~!!!
一上到門口，已經比班姐妹攔住，開門利事99,999~~~不過只要答岩問題就可以減去海嘯價~~
D問題難到呢.....第日拍拖真係要記住拍拖每一個細節，仲要計定數拍左幾多日....
最後終於可以順利破門入屋~~不過真正既難關先一個個咁黎................
第一次食D同屎無分別既野.........第一次涷到隻腳無哂知覺..........
最後經過成班兄弟既訓身支持，大佬終於成功破門搶人~~YEAH~~!!
跟住就係去男家，阿爸阿媽飲新袍茶~~阿爸既廚藝又再一次得到各界既認同~~!!!
然後又回門，等女仕們化妝，跟住就出發去金鐘~~!!!第一次見阿媽化妝既樣，真係唔認得阿媽......

一到場就忙住set 場，之後就準備MC稿~~~真係好緊張....雖然以前都做過MC，但今次真係緊張好多~~~不停反覆練習，反而變得愈來愈緊張........
最後，多得大家提點，覺悟到無稿勝有稿既道理~~好開心可以好順利咁將自己諗左成晚既野講到出黎，獲得一致好評~~!!YEAH~~不過代價就係搞到大嫂未出場已經喊哂.........
Sweetest moment~~

鄭家富做證婚人，雖然佢個例牌故事講左無數次，不過好多人都係得一次機會聽姐~~

兩位主角一邊做佈景版既同時，我地已經要準備番荃灣準備中式晚宴.........雖然帶位方面有D阻滯，出場音樂又出問題，不過多得女MC反應快，最後既效果反而仲好~~!!!

雖然全日無停過，無點食過野，長期處於緊張狀態，但睇住阿哥結婚，真係好感動，但有啲唔捨得..........始終我地係一齊長大，睇住佢而家自己有一頭家，得番自己一個，真係好唔習慣.........
以前成日覺得阿哥係一個悶蛋，從來唔出夜街，唔去LKF，拍咁耐都係同一個女朋友，唔鐘意去旅行，唔跟住潮流走，除左打機就無咩興趣。我成日諗佢將來老左發覺自己呢世人咩都無玩過一定會後悔，拍一次拖就結婚一定會後悔。不過，睇住佢結婚，擁有一個終生伴侶，一份穩定既工作，一個簡單既生活，比較而家既自己，真係深深體會到平凡是福既道理...........
Everyone has his own path.........不過，到有一日臨離開呢個世界既時候，驀然回首，究竟呢世人做過咩有意義既事呢?
All the best with my brother's new life~